Ryva: Po pushoj ca nga muzika

Këngëtarja dhe aktorja e njohur kosovare, Ryva Kajtazi, e cila disa muaj më parë ka realizuar videoklipin e këngës ‘Hipnotizon’, ka treguar për Telegrafi.com se momentalisht i ka dhënë vetës një pushim nga muzika.

“Momentalisht jam e angazhuar vetëm me provat e serialit ‘SpitaliKs’. Ndërsa sa i përket muzikës nuk kam asnjë projekt, kam vendosur të pushoj pak ca”, ka thënë Ryva për Telegrafi.

Ryva gjithashtu ka zbuluar se nuk do të jetë pjesëmarrëse e Festivaleve të sivjetshme për arsye është ndarë pak e zhgënjyer nga Festivalet.

“Nuk mendoj të jem pjesë e Festivaleve, sepse nuk jam shumë e kënaqur se si janë duke rrjedhur gjërat kohëve të fundit nëpër festivale”, është shprehur Ryva.