Thornton: Muzika nuk sjell para

Aktori hollivudian Billy Bob Thornton ka lënë anash pasionin e tij kryesor, muzikën, për të ndjekur karrierën filmike, pasi filmat me buxhet të madh paguajnë mirë.
53-vjeçari e ka filluar karrierën si kompozitor dhe këngëtar në vitet e nëntëdhjeta me grupin e tij “Tres Hombres”. Mirëpo ylli i filmit “Monster's Ball” e ka lënë njëherë anash karrierën muzikore pasi albumet e tija nuk fitojnë shumë para.

“Është dashur të merrem me filma sepse aty paguhet shumë. Unë e dua muzikën më shumë, mirëpo njëherë duhet ta shtyj pasionin tim”, ka thënë aktori.