Zbulohet “Love The Way U Lie 2”

Rihanna kishte bërë të ditur pak ditë më parë se nuk preferon lansimin e pjesës së dytë të hitit “Love The Way U Lie”, për shkak se nuk do të konkurronte me versionin origjinal, por në internet ka filluar të qarkullojë pikërisht kënga “Love The Way U Lie (Pjesa 2)”.

Siç kemi njoftuar më herët, Rihanna e ka inçizuar “Love The Way U Lie 2”, një version tjetër ky nga hiti origjinal me reperin Eminem. Rolet tani janë ndryshuar, pasi që Rihanna dominon me anën e saj ekspresive të tregimit. Eminem poashtu interpreton një tekst mjaft të fuqishëm.

Është ekzaktësisht po e njëjta gjë sikurse që bëri Alicia Keys me Jay-Z në “Empire State of Mind”. Me Rihannan që është në gjendje të ndërlidhet personalisht me këngën, ajo u sjell domethënien e duhur fjalëve, të cilat ajo i këndon me një vokal të butë.

Kënga do të jetë në albumin e ri të Rihannas “Loud”, i cili do të lansohet më 16 nëntor.