Besa Gashi dhe Albert Krasniqi edhe 1 muaj do martohen

Ka mbetur vetëm një muaj beqari për Besa Gashin, Miss Kosova 2006. Ajo do të martohet me Albert Krasniqin, një djalë shumë tërheqës nga Prishtina. Dasma e tyre pritet të bëhet pas një muaji e gjysmë, diku në fund të shtatorit, eventualisht në fillim të tetorit.

Lajmin e ka bërë të ditur vetë çifti, i cili është një lidhje zyrtare prej disa muajsh, përmes rrjetit social “Facebook”, ndërsa këtë e kanë konfirmuar për Kosovapress, edhe të afërm të Besës.

“Vetëm një muaj…do të jem…”, është ky niku që ka vënë çifti në profilin në “Facebook”, përderisa adhuruesit u kanë uruar martesën, duke u dëshiruar jetë të lumtur.

Si do qoftë, e kontaktuar nga Kosovapress, Besa Gashi nuk ka dashur të prononcohet tani për tani, meqë siç tha, lajmin do ta bëjë publik, pak para se të ndodh martesa.

Momentalisht, Besa Gashi po i bënë përgatitjet për dasmë, ndonëse ende nuk ka vendosur se ku do ta bëjë dhe sa të ftuar do të ketë.

Besa Gashiështë në lidhje zyrtare me Albert Krasniqi prej disa muajsh. 25 vjeçari vjen nga një familje, që kanë biznes familjar.

Përndryshe, Besa Gashi sapo ka diplomuar në Fakultetin Ekonomik në AAB – drejtimi Menaxhment, ajo bashkëpunon me agjenci dhe kompani të ndryshme vendore, ndërsa është e vetmja modele që e ka prezantuar Kosovën si shtet në “Fashion TV”, përmes Agjencisë “Kosova Models”.

Ajo ndërkaq, udhëheq edhe OJQ-në “Besa Gashi&Friends”, një organizatë humanitare që ndihmon njerëzit në nevojë.

Zyrtarisht, Besa Gashi ende mban kurorën e Miss-it të Kosovës, meqë në Kosovë ende nuk ka Miss me licencë.