Ahtisari: Pavaresi te Mbikqyrur per Kosoven

Ahtisari ka deklaruar se koncepti i tij për Kosovën është një pavarësi e mbikëqyrur

Londër, 16 mars Kryenegociatori për statusin e Kosovës Marti Ahtisari i ka deklaruar BBC së se koncepti i tij për Kosovën është një pavarësi e mbikëqyrur ndërkombëtare.

Ai ka thënë se Kosova do të duhej të ishte një entitet më praktik dhe të përgjigjet për çështjet e saja, por ka shtuar se shumica duhet të paguajë çmimin për ambiciet që ka duke i trajtuar pakicat në mënyrë të qytetëruar.

Kjo pavarësi sipas tij do të mbikëqyret nga bashkësia ndërkombëtare, ku Bashkimi Evropian do të luajë një rol të rëndësishëm. "Dhe kjo është e rëndësishme, sepse të dy vendet shpresojnë të bëhen anëtarë të Bashkimit Europian dhe unë shpresoj të kenë sukses në këtë drejtim", ka thënë Ahtisaari.

Mirëpo sipas tij, çështja e pakicave dhe mbrojtja e tyre është shumë e rëndësishme, dhe shumica në Kosovë, ka thënë Ahtisaari duhet t'i dëshmojë bashkësisë ndërkombëtare se mund t'i trajtojë të gjitha pakicat, jo vetëm serbët e Kosovës, në mënyrë të qytetëruar.

Ahtisari ka shfaqur shpresën e tij që në Këshillin e Sigurimit të kuptohet se humbja e kohës nuk ndihmon askënd, dhe se ajo veçse i komplikon edhe më shumë gjërat. Vonesa na merr kohën e nevojshme për zhvillimin siç duhet të Kosovës, ka thënë në një intervistë për BBC në i dërguari i posaçëm i OKB së për statusin e Kosovës, Marti Ahtisari.

QIK-u
__________________
Disa ditë larg ëndrrës së çdo Shqiptari, ëndrrës së Rugovës, njohjes zyrtare të Pavarësisë së Kosovës...