Menaxhoj kafenetë dhe familjen

Aktori Fatos Kryeziu edhe këtë vit ishte shumë i pëlqyer nga audienca. Thjeshtësia, puna e sinqertë, mos dalja nga vetvetja dhe afërsia me simpatizuesit, mendon se janë gjërat primare që një aktorë të pëlqehet nga publiku.

Edhe këtë vit ke qenë një nga aktorët më të pëlqyer në Kosovë. Çfarë mendon se e që bëri tërheqës Fatosin për publikun kosovar?

Mendoj që puna e sinqertë e imja, dashuria për profesionin, marrëdhëniet e mira me kolegët më të cilët bashkëpunoj si dhe modestia me publik ishin arsyet kryesore që publiku më pëlqej dhe besoj se duhet të janë për secilin aktor. Me publikun duhet të jesh i thjeshtë dhe i afërt më ta kudo që i takon. Unë edhe në të ardhmen do të mundohem që të punoj në maksimum që të jam i dashur dhe i pëlqyer nga publiku.

Më shumë njihesh si kryemadhi i “Kafenesë...” se sa që Fatos Kryeziu. Të pengon kur të tjerët të thërrasin rrugës?

Po hymë në vitin e shtatë të serialit “Kafeneja jonë” dhe unë tashmë jam mësuar me këtë nofkë, madje më normale me duket nganjëherë kur me thërrasin “Kokë” se sa Fatos Kryeziu. Nuk me pengon aspak, përkundrazi më vjen mirë kur njerëzit me thërrasin në emër të personazhit.

Keni një vajzë e cila është në moshë ende të vogël. Si ju thërret ajo?

E kam një vajzë e cila është 2 vjeçe dhe quhet Nina. Ajo më thërret herë babi, e herë Tosi, por asnjëherë kryemadh. Shpesh e përmend personazhin e Bekimit, ndoshta duke me dëgjuar mua në televizor, i ka mbetur në kujtesë edhe asaj.

Ke qenë pjesë e shou programit “Vip shpija”. Mendon se ishte plus apo minus për karrierën tënde?

Unë personalisht i përgëzoj të gjithë ata njerëz që marrin guximin për të provuar diçka të re në vendin tonë. Shou “Vip shpija” u organizua për herë të parë tek ne dhe për ta sprovuar veten aty u dashke një guxim goxha i madh. Unë jam ithtar i nisjeve të reja të cilat shumë njerëz ngurrojnë për ti bërë. Hyrja në këtë spektakël, për mua ka qenë një plus, sepse shumica e njerëzve kanë parë që Fatos Kryeziu nuk është naiv siç luan në personazhin e “kafenesë...” dhe nuk di vetëm më i zhvesh dhembet, por di dhe mundet të bëj gjëra të bukura. E mira tjetër ka qenë se prej daljes së këtij shout, njerëzit nuk me kanë thirr vetëm në emra të personazheve të mia, por tash më njohin edhe më emrin e vërtet, Fatos Kryeziu. Qëndrimi im aty, ka qenë një përvojë e mirë, kam njohur njerëz shumë të mirë më të cilët prej asaj kohe dalim dhe shoqërohemi së bashku.

Çfarë mund të na tregosh diçka që ka ndodh brenda atij spektakli, por që publiku nuk e di?

Ndoshta veç nëse ka ndodh diçka që unë kam qenë duke fjetur, por gjatë tërë kohës ne kemi qenë të përgjuar me kamera dhe të gjitha ato gjëra që kanë ndodh janë parë edhe nga regjisorët që besoj të gjitha janë edhe transmetuar. Nuk e di që ka ndodh diçka për të cilën nuk e dinë publiku.

Ju merreni edhe më muzikë. Këtë vit nuk keni realizuar asnjë këngë. Pse?

Muzikën nuk e bëj që të përfitoj prej saj apo që më duhet të mbaj familje me të. Muzikën unë e dua më shpirt dhe unë këndoj për qejf dhe dëshirën time. Unë kam realizuar këngën “Gjithçka e mirë merr fund”, por kjo nuk do të thotë se do të mbes vetëm më këtë këngë.

Megjithatë, kemi informacione që jeni në përgatitje të një këngë të re. Mund të na flasësh pak më shumë rreth kësaj këngë?

I kam disa këngë të kompozuara të cilat i kam pas përgatit kohë më parë, kur kam qenë në shkollë të mesme dhe në studime. Edhe tash kur të më vjen ndonjë inspirim, realizoj. I kam diku 10 – 12 këngë që nuk janë të publikuara.

Është thënë se kënga do të jetë në duet më këngëtaren Argjentina Ramosaj. A pritet të realizohet ky duet?

Është një këngë të cilën dua ta realizoj në duet sepse mendoj se ajo këngë më së miri do të shkon në duet. Realisht ne kemi pasur një takim me Argjentinën ku edhe kemi diskutuar për atë duet, por biseda jonë mbeti me atë takim dhe nuk jemi takuar më, ndoshta për shkak të angazhimeve të saja të shumta por edhe të punëve të mia që kemi tash për Vitin e Ri. Të shohim pas Vitit të Ri se çfarë do të bëjmë.

Me pak fjalë si do ta përkufizoje vitin 2010?

Ka qenë një vit shumë i begatshëm. Kam pasur oferta të shumta, por nuk kam dashur që të i pranoj për shkak se jam duke i menaxhuar dy kafene, pastaj angazhimi i vazhdueshëm në serialin “Kafeneja jonë” si dhe e kam një familje më të cilën më duhet të përkushtohem shumë kohë, sidomos me vajzën. Pra, gjatë këtij viti kam menaxhuar edhe kafenetë, por edhe familjen.

Cilat kanë qenë gëzimet dhe hidhërimet tuaja gjatë këtij viti?

Është mirë që njeriu qoftë në të mirë e qoftë në të vështirë me e ditë me e përballu situatën. Dhe në këtë aspekt, unë jam goxha i aftë për këtë gjë dhe i marr gjërat paksa shtruar. I pres si të mirat ashtu edhe të këqijat pa eufori. Në të vërtet hidhërimin më të madh, e kam pasur para pak kohësh, kur unë dhe kolegu im, Astriti patëm një aksident në komunikacion, kjo ka qenë dhimbje edhe trupore por edhe shpirtërore.

Aksidenti ka ndodhur mes dy palesh. Është thënë se ata kanë pësuar më shumë se ju. Si është gjendja aktuale e palës tjetër?

Ne nuk kemi qenë keq, Astriti ka shpëtuar pa asnjë lëndim, ndërsa unë kam pasur lëndime në këmbë, gjoks dhe hundë. Ndërkaq vërtet pala tjetër ka qenë shumë keq. Një javë unë kam qenë i shqetësuar për gjendjen shëndetësore të një personit që ka qenë në veturën e kundërt, dhe vetëm pas një jave kur me ndihmën e Zotit dhe të mjekëve arriti që të i kthehet jetës normale, kam filluar të qetësohem. Tash gjendja e tij është stabilizuar dhe para pak ditësh isha për ta vizituar në familjen e tij.

Ku do e prisni Vitin e Ri?

Kam pasur oferta të shumta në Zvicër, Gjermani në disa restorante në Kosovë, por i kam anuluar të gjitha sepse kam dashur vetëm të festoj më familje. Dy netët e para sigurisht se do të jam më familje, ndërsa natën e tretë ka gjasa se do të dal më shoqëri.

Planet për vitin 2011?

Përpos “kafenesë...” nuk dua që të shpalosi plane, por e them se atë punë që e marr për me e kryer, e bëj më shumë përgjithësi. E veçanta e vitit 2011 do të jetë se në muajin maj, presim që të shtohemi edhe me një bebushe tjetër.