Leonora Jakupi mohon shtatzëninë

Shumë prej jush e kanë dëgjuar tashmë thashethemen që po bën xhiron e javës: “Leonora Jakupi është shtatzënë dhe do të martohet pas festave të fundvitit”.

Edhe ne, ashtu si ju, gjëja e parë që menduam të zbulonim pas këtij lajmi befasues, ishte identiteti i mashkullit që rrëmbeu zemrën e bukuroshes Leonorë. Duke qenë se kjo ishte e gjëja e parë që menduam, për të mënjanuar supozimet false, telefonuam direkt këngëtaren Jakupi për ta pyetur rreth këtij lajmi...

Por, pas asaj telefonate ëndrrat u thyen... Leonora Jakupi nuk është shtatzënë, nuk ka në plan të martohet dhe, për më tepër, këtë të fundit gjatë këtyre kohëve është duke e menduar gjithmonë e më pak. Vetë këngëtarja shprehet e indinjuar për këto fjalë, dukë thënë: “Edhe unë e kam dëgjuar një thashethem të tillë, të cilin e mohoj në mënyrë kategorike.

Për momentin martesa është gjëja e fundit që kam në mendje, dhe përpos kësaj në jetën time private aktualisht nuk ka asnjë mashkull. Kur dikush të më vjedh zemrën, gazetarët do t’i njoftoj të parët...”, përfundoi Leonora për portalin BalkanWeb.

Aktualisht ajo thotë se është duke punuar fort për materiale të reja muzikore, që do të shfaqen për publikun e gjerë me rastin e festave të fundvitit. Vetëm pak javë më parë Leonora publikoi klipin e saj më të ri, i cili u prit mjaft mirë nga shikuesit.(Koha)