Meshkujt dëshirojnë t’i paguajnë shpenzimet

Emri Capri Anderson “eksplodoi” si një bombë dhe i mbushi mediet, kur para më pak se një muaji, aktori amerikan, Charlie Sheen, lakuriq dhe i dehur, e demoloi dhomën e hotelit në të cilën këtë bukuroshe e kishte mbyllur në orman.

Tani pas saj janë renditur shumë sponsor “zemërgjerë” të cilët dëshirojnë të paguajnë harxhimet e gjyqit, pas padisë që Capri ia ka bërë Sheen-it, kjo së paku sipas pohimeve të faqes së internetit “MyGirlFund.com”, njofton “TMZ”.

Në fakt, ky rrjet shoqëror është i specializuar të ofrojë shërbime për femrat të cilat dëshirojnë të shoqërohen me zotërinj “zemërgjerë” dhe nëpërmjet tyre t’i realizojnë objektivat e tyre.

Ky rrjet i është drejtuar porno-yllit me një ofertë me shkrim, në të cilën thuhet se do t’i gjejë sponsor, dhe sipas tyre tashmë janë paraqitur meshkuj të shumtë të cilët dëshirojnë të paguajnë këto shpenzime, dhe kjo faqe u ka premtuar se do t’ua ruajë identitetin, duke i paraqitur si sponsor anonim.