Laureta: Më pëlqen të jem "rebele"

Këngëtarja dhe aktorja shqiptare në SHBA, Laureta Meçi së fundi sjellë në tregun muzikor këngën më të fundit “Turn Around”, por për agjencinë e lajmeve INA rrëfen edhe për rolin e saj në filmit “Disciple”.

Laureta thotë se kënga është me tekst anglisht ku në të përfshihen edhe disa fjalë shqip, si për të pohuar dhe origjinën e saj shqiptare.

Cilat janë të rejat e fundit e fundit nga talenti Laureta Meçi?

Laureta Meçi: Ka qenë një vit tepër i çuditshëm për mua për vet faktin që kisha pak kohë në pauze..... dhe i u përkushtova pak kohë vetvetes. Mendova të rikthehem me një imazh më të ri dhe me projekte më të bukura kësaj radhe.. më fuqishëm se kurrë. Kam shumë të reja që do të pasojnë njëra tjetrën.....dhe do t'ju informoj, duke filluar me këngën e re “Turn Around” dhe kam marr një rol të ri në filmin “Disiple” për të cilat do t'ju flas me detaje më poshtë.

Dukesh se gjithmonë ke vendosur të jesh me këtë njeriu u surprizave për medien shqiptare, Pse?

Laureta Meçi : Nuk e di pse më ndodh kjo, ndoshta ngaqë më pëlqen të realizoj projekte unike. Më pëlqen të jem pak “Rebele”.....shkoj me instinktin dhe me projekte që i shkojnë më shumë karakterit tim. Dhe nëse këto surpriza ju pëlqejnë dhe janë të mirëpritura.. Keni shumë akoma për të parë në të ardhmen. Sapo kemi publikuar një teaser trailer të këngës dhe letrat dhe urimet janë të panumërta..

Kënga është incizuar në Mindsmack studios në Manhattan dhe sa për videoklipin nuk mund të flas për konceptin pasi mund të këtë ndryshime .....po mund t'ju them që do të xhirohet në Evrope.

Tash - pak më shumë për rolin në filmin e ri Disiple rolin tuaj dhe kolegëve të tjerë?

Laureta Meçi: Filmi është një thriller-psikologjik dhe unë luaj rolin e një këngëtareje tepër të njohur me emrin Kennedy e cila është ish shoqja e klasës së protagonistes kryesore. Pas disa vitesh rastësia i sjell bashkë dhe Kennedy e ndihmon në zgjidhjen e vrasjes apo të misterit.

Kolegët e mia në film janë: Taral Hicks, e cila ka luajtur ne filmin" A Bronx Tale" me (Robert De Niro) dhe Persia White e njohur nga sitcom" Girlfriends". Dhe thrillerin mund ta shikoni në "www.disiplethemovie.com".

Si ju zgjodhën ju dhe përse?

Laureta Meçi: Rolin e Kennedit ja kishin ofruar këngëtares amerikane Mya dhe në pamundësi të saj pasi kishte disa oferta të tjera, Tanya Thompson e cila është producentja e filmit ma ofroi rolin mua. Pasi lexova scriptin dhe më pëlqeu roli jashtë mase, lamë një takim për audicionion.

Gjithçka shkoi më së miri dhe atë ditë në darkë më vjen një telefonatë nga Tanya duke më suprizuar që unë e fitova rolin dhe fillojmë xhirimet në Janar. Tanya shtoi se arsyeja që unë e fitova rolin ishte se mendoi që mund të identifikohesha me Kennedin dhe kishim virtyte të përbashkëta, gjithashtu energji tepër pozitive, e cila do të bëjë ta sjell rolin e Kennedit në jetë.

Meqenëse tani duket se i përkisni artit amerikan dhe veçanërisht muzikës dhe aktrimit, e cili do të ishte vendi i juaj në këtë botë kaq të rëndësishme...

Laureta Meçi: Unë jetoj ëndrrën time dhe sa për vendin "tim në këtë botë të larmishme dhe të rëndësishme" besoj do t’ia lë kohës le të vendosi. Mund të them se është krenari të jem pjesë e artit Amerikan, duke marrë parasysh rrethanat nga të cilat e kam filluar udhëtimin tim në botën e artit dhe nga perspektiva e një emigranteje artiste.

Ndoshta me këtë mendon se tashmë do ju shtohet dhe një rrugë për ndonjë videoklip apo rolë në kinematografinë në Shqipëri?

Laureta Meçi: Ah! Pyetje e bukur kjo! E pres me shumë kënaqësi dhe Patjetër…..po incizoj diçka në shqip dhe pse jo ndonjë rol në ndonjë film shqiptar..

Çfarë vëreni ju me syrin e një këngëtare dhe artiste me arritje të tilla në SHBA-s, në aktualitetin e muzikës dhe artit shqiptar si në Shqipëri Kosovë e viset shqiptare?

Laureta Meçi: Mendoj se arti në Shqipëri ka ecur mjaft dhe besoj që ky është vetëm fillimi. Në Viset tona nuk mungojnë artistët dhe as mjetet teknike, por mendoj se mungon mbështetja financiare. Gjenerata e re, ka akoma shumë punë që të arrijë në standardet e legjendave shqiptare... të muzikës e artit, por si shembull të parë si Vaçe Zela.... e me radhë këngëtar, artistë e aktorë me zë...

Dhe meqenëse e filluam me surprizat tua, atëherë së fundi në se nuk është sekret - cila do të jetë surpriza e radhës?

Laureta Meçi: Ah ...nëse ju them atëherë nuk do të jetë surprizë, por sinqerisht që diçka po përgatis dhe nuk do t’ju zhgënjej besimin. Po ju premtoj bigger and better!!!!!!!!!! dhe ju edhe Bota Sot, do të jetë e para që do ta mësojë.

Laureta - si gjithmonë ishte kënaqësi që biseduam me ju - Ju faleminderit! Suksese!

Laureta Meçi: Edhe unë Ju falënderoj për konsideratën tuaj dhe ju uroj ju dhe të gjithë lexuesve dhe stafit tuaj gjithë të mirat! Suksese!