Rourke nuk ka thënë që Penn është homofob

Mickey Rourke ka mohuar spekulimet e një faqeje të internetit, e cila kishte pohuar se ai e ka quajtur Sean Pennin "homofob".

Faqja “Daily Beast” ka spekuluar se Rourke kishte dërguar një mesazh në të cilin shkruante se pavarësisht se Sean Penn ka luajtur rolin e politikanit homoseksual Harvey Milk në filmin “Milk”, Penn është njëri nga personat më homofobë që ai njeh.

Mirëpo përfaqësuesi i aktorit të filmit “The Wrestler” ka mohuar këto spekulime.

“Mickey është paraqitur në premierën e New Yorkut të filmit ‘Milk’ për ta mbështetur Sean Pennin, pasi që ai ka respekt të madh për të”, ka thënë përfaqësuesi i Rourke.