American Idol: Kosovarja na mori zemrat (VIDEO)

Mbrëmë, në edicionin e nëntë të këtij spektakli, në një konkurrim nga më prestigjiozet në SHBA, edhe kosovarja e re, me paraqitjen e saj dinjitoze mori vlerësimin absolut të jurisë dhe do të jetë garuese e ardhshme në këtë show amerikan.

Është Melinda Ademi, e cila ka qenë refugjate në kampet e Maqedonisë, por së bashku me prindërit e saj iu largua luftës dhe masakrës së krye-kasapit të Ballkanit, Milosheviqit, në vitin 1999, për në botën e lirë.

"Viti i tmerrshëm i një gjenocidi të paparë, kur rrezikohej deri në shfarosje populli shqiptarë”, përkujtuan mbrëmë prindërit e Melindës skenat e 1999. Rrëfimi i tyre, shoqërohej me sekuenca televizive, përmes të cilave, miliona shikues amerikan kanë parë, pamjet tragjike, të shqiptarëve që largoheshin me dhunë dhe forcën e ushtrisë e policisë serbe.

Rreth një milion shqiptarë mes tyre edhe gra, fëmijë pleq, shqiptarë, edhe të sëmurë e të rraskapitur lanë shtëpitë e tyre në vitin 1999".

Mirëpo, ja që fati e solli të paktën fëmijët e tyre refugjatë, dhe vajza e tyre, 16 vjeçare të "kapë" edhe "Eldoradon".

Vajza e çiftit Ademi, tani ka fituar shansin e parë, që një ditë "mund të hidhet nga ‘trampolina’ e yjeve të këngës Amerikane, për suksese”.

"Trupi" gjykues," Randy Jackson, këngëtari Jackson, aktorja, Jennifer Lopez dhe Steven Tyler, mbrëmë në fillim të edicionit të 9-të thanë se" Familjarët s'ka dyshim që ndihen të privilegjuar për fëmijët e tyre në "American Idol", njofton korrespodenti i agjencisë së lajmeve INA në Nju Jork.

Ndërkaq, portali amerikan, CMR (Current Movie Reviews) përshkruan pjesëmarrjen e kosovares të mërkurën mbrëma si një sensacion të vërtetë, të cilët vlerësojnë se me Melinda, me këtë tempo, mund të arrij shumë larg në këtë garë.

“Unë besoj se kjo vajzë do të arrij shumë larg në këtë garë sepse, jo vetëm se ajo është e talentuar, por se Amerika atë tashmë po e do”, shkruan ky portal për konkurrenten kosovare.

Në profilin e saj në Facebook, Melinda Ademi shkruan: "Unë jam Melinda dhe unë jam 16 vjeçare. Unë dua të këndoj! Gjëja më e dashur gjithë jetën time, është veçse të këndojë dhe këtë e kam nisë që unë kur isha vajzë e vogël. Ëndrra ime është që të bëhem një artiste e madhe. Unë e di se ëndrrat e mia janë të mëdha, por unë do të jap gjithë atë talentin tim - për të arritur atë megjithëse dhe sfida që kam përpara është e madhe". /ina/zëri/