Martohen Katy Perry dhe Russell Brand

Katy Perry dhe Russell Brand janë martuar në Indi të shtunën, në një prej martesave më të pritura kohëve të fundit në industrinë e shoubizit.

Çifti ndërroi unazat të shtunën më 23 tetor, në resorin luksoz Aman-I-Khas në Rajasthan të Indisë, që është vend pranë Parkut Kombëtar të Ranathambore, e i cili vend është shumë i pasur me botë shtazore.

“Russell Brand dhe Katy Perry janë tejet të ngazëllyer për të konfirmuar se ata kanë marrë të shtunën parashtesat Zotri dhe Zonja Brand. Ceremonia shumë private dhe shpirtërore, në të cilën morën pjesë familja dhe miqtë e ngushtë ishte udhëhequr nga një lider krishter, mik i madh i familjes Hudson. Ndërsa gjëja më pikante ishte ambienti magjik i Indisë Veriore”, u shpreh zëdhënësi i çiftit.

Ndër të pranishmit në këtë martesë thuhet të kenë qenë Rihanna dhe komiku britanik David Baddiel. Forca të mëdha të sigurisë ishin në përcjellje të ceremonisë dhe zonës ku u mbajt ahengu martesor.