Grigorieva i tregon Gibsonit pse e publikoi skandalin

Oksana Grigorieva, ish e dashura e Mel Gibson, ia ka treguar aktorit 54 vjeçar se pse ka publikuar audio incizimet, të cilat zbuluan skandalin e Gibson ndaj saj.

Grigorieva i dha sqarime Gibsonit me anë të një e-maili, ku sipas TMZ shkruan: “Përderisa incizimet po bëjnë bujë, unë ia paraqita vetëm një prej tyre avokatit tim, për shkak se Michelle më propozoi më 15 mars në emër tëndin një dhuratë për vajzën, ku asgjë nuk kishte për mua. Gjithashtu, avokatët më thanë se mbrojtja jote nuk ka ndërmend të më japë asnjë cent”, thuhet në letër.

Sipas kësaj, vërehet se Grigorieva ka pasur në plan që me anë të këtyre audio regjistrimeve të fitojë materialisht nga Gibson.