Perry mohon lidhjen me Madden

Këngëtarja Kate Perry ka mohuar spekulimet se është në lidhje me ish-të dashurin e Paris Hilton, Benji Madden, duke thënë se ata janë "vetëm miq".
Hitbërësja e këngës “I Kissed A Girl” është parë me rokerin e grupit “Good Charlotte” në një lokal nate në Las Vegas për Shën Valentin duke nxitur spekulime se ata janë bashkë.

Mirëpo Perry ka mohuar të ketë lidhje romantike me Madden.

“Ne kemi qenë vetëm dy njerëz të njohur që qëndronin pranë njëri-tjetrit kjo nuk do të thotë se jemi në lidhje. Nuk mund të lidhesh çdo moment dhe me këdo, thjeshtë nuk është diçka që unë e praktikoj”, ka thënë Perry.