Jennifer Love Hewitt ndahet nga i fejuari

Ylli i filmit “Ghost Whisperer”, Jennifer Love Hewitt, është ndarë nga i fejuari i saj, aktori skocez Ross McCall.

Aktorja 29-vjeçare dhe aktori 32-vjeçar u fejuan në nëntor të vitit 2007, pasi ishin në lidhje për dy vite, por dyshja tash raportohet se do të shkojnë rrugëve të ndara.

“Ata janë prishur gjatë festave dhe i kanë dhënë fund fejesës. Që të dy janë të dëshpëruar për këtë. Madje edhe miqtë janë befasuar, pasi ata dukeshin vërtet të lumtur”, ka thënë një burim për magazinën People.