Watson ndihet e ‘pensionuar’

Aktorja Emma Watson mendon se kompletimi i serive të filmit “Harry Potter”, e bën atë të ndihet sikurse e pensionuar.

20 vjeçarja e cila aktualisht po studion në Brown University, ishte lënë e zhgënjyer pas përfundimit të pjesëve përfundimtare të “Harry Potter and the Deathly Hallows”, jo për shkak të nivelit të ulët të punës, por për shkak të përfundimit të një cikli.

“Unë duhet të them diçka pikëlluese. Duke e ditur se ka edhe shumë për të ardhur nga unë, kam një ndjenjë të çuditshme sikurse po pensionohem në moshën 20 vjeçare. Unë kam kaluar plot dhjetë vjet në krijimin e këtyre filmave dhe shpresoj se pjesa e dytë e jetës time do të jetë po aq e bukur sikurse pjesa e parë”, theksoi Watson.