Aguilera shprehet pas ndarjes

Christina Aguilera ka pranuar se ka pasur ditë kur ajo e ka pasur të vështirë të zgjohet nga shtrati, që prej se martesa e saj me Jordan Bratman është shkatërruar.

Krijuesja e hitit “Fighter”, e cila ka vendosur të divorcohet nga bashkëshorti Jordan Bratman javën e kaluar, ka pranuar se ajo e ka pasur të vështirë ta menaxhojë situatën, duke u mbështetur vetëm në nënën e saj dhe miqtë, të cilët po e ndihmojnë atë.

“Nuk është e lehtë, pasi që ka pasur shumë lot dhe pikëllim. Është e pamundur të ridefinosh veten dhe jetën tënde përbrenda natës. Fatmirësisht, unë kam nënën dhe një grup të vogël të miqve të ngushtë të cilët janë çdo ditë pranë meje”, potencoi këngëtarja.