Tingulli 3nt bashkëpunim me Kastro Zizo?

Pak kohë para lansimit të albumit të parë pas tre vitesh nga rep grupi kosovar, Tingulli 3nt, spekulimet për përmbajtjen e tij dhe mbi emrat të cilat janë mysafirë në album nuk kanë të ndalur.

Kësaj radhe në theks është vënë faqja e fansave në Facebook e labelit (studios), Baba Records, që siç paralajmëron adhuruesit Tingullit 3nt, “bashkëpunimi i radhës është me Kastro Zizon dhe se në radhë do jenë edhe shumë bashkëpunime tjera me këngëtarë tjerë”.

Kohë më parë në internet ka rrjedhur versioni demo i këngës “Syt e Mi”, që është bashkëpunim i Tingullit 3nt dhe producentit të njohur Flori. Vet Geti ditë më parë tha për kosova-team.com  se kjo nuk është një gjë e madhe dhe se së shpejti pritet lansimi i versionit origjinal, ashtu si i tërë albumit në fund të tetorit.