Del versioni i ri i Firefox 3

Del versioni i ri i Firefox 3





Nëse jeni aventurist i cili kërkon që i pari të provojë të gjitha risitë në botën e teknologjisë, apo me testim dëshironi të jepni kontributin tuaj për komunitetin open source, atëherë Firefox 3 Beta 3 është i dedikuar pikërisht për ju.
Me rreth 17 për qind të pjesëmarrjes në botën e shfletuesve të uebit, Firefox çdo ditë e më fuqishëm po i bën për veti një numër të madh të shfrytëzuesve. Thjeshtësia e përdorimit, stabiliteti dhe bollëku i opsioneve janë vetëm disa nga përparësitë e Firefoxit ndaj shfletuesve tjerë të internetit.

Firefox 3 në versionin Beta 3 sjell me vete edhe disa përmirësime, derisa burime të shumta si problem kyç theksojnë “rrjedhjen” e memories gjatë shfrytëzimit të këtij shfletuesi të uebit, që ka qenë problem i shpeshtë i versioneve të mëhershme.

Shfrytëzuesve të cilët dëshirojnë të provojnë Firefox 3 Beta 3 ua tërheqim vëmendjen se bëhet fjalë për versionin e dedikuar ekskluzivisht për testimin nga ueb programerët dhe komunitetin open source dhe se ky definitivisht nuk është versioni final.