Sun ka blerë MySQL

Sun ka blerë MySQL

Sun Microsystems ka bërë publik lajmin për blerjen e prodhuesit suedez të softuerit, MySQL. Për këtë Sun do të paguajë një miliardë dollarë. Pas transaksionit të kryer, aksionet e Sun-it janë ngritur për 55 cent.
MySQL është një nga softuerët që është rritur më së shpejti nga prodhuesit e softuerit pa pagesë. Teknologjia, e cila shtyhet me produktet komerciale, siç janë Oracle e Microsoft, shfrytëzohet nga Google, Yahoo, Facebook, YouTube dhe Nokia.

"Kompanitë më të mëdha në tërë botën përdorin softuerë me kod të hapur", ka deklaruar drejtori i Sun-it, Jonathan Schwartz. Ai ka thënë se pret që kompanitë të përfitojnë nga kjo shitje, ashtu që, shfrytëzuesve të MySQL-it do t’u ofrohen produkte tjera të Sun-it.

Sun më së shumti njihet në botë falë serverëve high-end dhe softuerëve. Sun ka përgatitur Solaris, një sistem operativ për serverë, dhe e ka ofruar atë pa pagesë që prej vitit 2005.

Schwartz, i cili e ka marr përsipër udhëheqjen e kompanisë që prej vitit 2006, ka arritur të rris profitin e kompanisë, duke lëshuar nga puna disa mijëra të punësuar. Ai ka thënë se kompania është interesuar edhe për blerje tjera.